MERA MERDA

Dad notları: Vişnə, alma şirəsi (apple cider), karamel
Emal üsulu: Double Fermentation
Növ: Java və USDA
Hündürlük: 1200 – 1500 m
Məhsul yığımı: 2024

İndoneziyanın Şərqi Java bölgəsindən gələn Mera Merda, cüt fermentasiya (double fermentation) üsulu ilə emal edilmiş, intensiv aromatik quruluşu ilə seçilən xüsusi bir qəhvədir.
İlk qurtumda hiss olunan vişnə və alma şirəsi notaları şirin və meyvəli bir fərahlıq təqdim edir, sonluqda ortaya çıxan karamel toxunuşu isə qəhvəyə dərinlik və yumşaq bir şirinlik qazandırır.

1200–1500 metr hündürlükdə yetişən Java və USDA sortları, bölgənin zəngin torpaq quruluşu ilə birləşərək balanslı gövdə, parlaq asidlik və çoxlaylı bir aroma profili yaradır. Tetra N Roastery qovurması ilə Mera Merda, xüsusilə filtr qəhvə dəmləmələrində meyvəli xarakterini şəffaf şəkildə əks etdirir, espresso əsaslı içkilərdə isə şirin gövdəsi ilə fərqli bir təcrübə bəxş edir.

Cüt fermentasiya, qəhvə emalı üsullarından biridir və adətən yuyulmuş (washed) proseslərdə istifadə olunur. Bu üsulda qəhvə dənələri qurudulmadan əvvəl iki ayrı fermentasiya mərhələsindən keçir. Məqsəd qəhvənin asidliyini, təmizliyini və aroma kompleksliyini artırmaqdır.

Bu qəhvə özəlində isə tamamilə natürel emal edilən meyvələr, qurudulmadan əvvəl 36 saat ərzində aerobik (oksigenli) prosesdən keçirilərək "grain pro" kisələrdə ağzı açıq şəkildə saxlanılır. Daha sonra 72 saat ərzində oksigensiz mühitdə anaerobik prosesə tabe tutulur. Son mərhələdə dənələr 12% rütubət dərəcəsinə çatana qədər günəş altında qurudulur.